Gjashtë muaj burgim me kusht është dënuar Ilir Beqiri nga Mitrovica nën akuzën se pengoi Policët e Kosovës. I pandehuri i cili jeton jashtë vendit akuzohet nga prokuroria se në korrik të 2017-s kishte penguar dy policët Fatmir Osmani e Fatos Sejdiu. Policët ishin duke shqiptuar tiketa për kundërvajtës në trafik kur e kishin këshilluar të pandehurin të mos kalonte në zonën e gjelbër.
Kjo sipas aktakuzës kishte nxitur një debat në mes të pandehurit dhe policëve të cilët i kishin kërkuar të akuzuarit një dokument identifikimi.
I akuzuari i ofendon zyrtarët policorë duke u thënë se “ju po dënoni vetëm vozitësit me automjete me targa të huaja”, thuhet në aktakuzë. E njëjta sqaron se kur policët e kishin kapur për duarsh të pandehurin ai kishte rezistuar dhe në mënyrë të pakontrolluar me grushtin e dorës së majtë ka goditur në muskulin e këmbës zyrtarin policor Fatmir Osmani.
Gjatë prangosjes lëndime kishte marrë edhe i akuzuari Beqiri. Ky i fundit ka pranuar fajësinë para gjykatës në Mitrovicë.
Bombardimet izraelite vrasin dhjetëra njerëz në Bejrut dhe n...
Krasniqi në 25 vjetorin e themelimit: PDK është histori e ja...
Pesë shenja që tregojnë se nuk po i lani flokët mjaftueshëm
Frutat që përmbajnë më shumë dhe më pak sheqer
Përgjimet Kusari Lila- Radojiçiq, Tahiri: Nesër në ora 12:00...
KFOR-i mban ceremoninë e inaugurimit të `Mburojës së Re`