Google ADS

Dënimi për dhunim ndaj serbit, Krasniqi: Zoran Vukotiqi nuk është i vetëm, është thjeshtë i pari

22:16 | 5 Korrik 2021
Përparim Bublaku

Kryetari i Partisë Demokratike të Kosovës, Memli Krasniqi, ka thënë se nuk mund të ketë drejtësi për gratë e dhunuara pa u dënuar secili që ka kryer krime.

Ai përmes një postimi në Facebook, ka thënë se Zoran Vukotiq që u dënuar sot nuk është i fundit, por i pari.

Postimi i plotë i tij:

Nuk mund të ketë drejtësi të plotë për viktimat e dhunës seksuale gjatë luftës në Kosovë, pa u vënë para përgjegjësisë secili person përgjegjës për këto dhunime.
Ndonëse për 23 vite, kriminelët e tillë janë fshehur e janë mbajtur të pakapshëm, sot, drejtësia kosovare i shpërtheu barrierat duke arritur ta ballafaqojë me përgjegjësi njërin prej tyre. Por Zoran Vukotiqi nuk është i vetëm. Është thjeshtë i pari.
Përderisa duhet të angazhohemi që viktimat e dhunës seksuale gjatë luftës të gjejnë integrimin e plotë në mesin tonë, duhet po ashtu të inkurajojmë organet tona të drejtësisë që të mos ndalen, deri sa të japë përgjegjësi edhe krimineli i fundit.

Shpërndaje në rrjete sociale

Lajmet më të lexuara

Të ngjashme

Foto lajm