Deliu-Kurtit: Ju shkoj komplet mandati me ankesa, në vend se me punu diçka

11:49 | 13 Nëntor 2024
E.G

Deputetja e Partisë Demokratike e Kosovës (PDK), Blerta Deliu-Kodra ka reaguar pas deklaratës së Kryeministrit Albin Kurti i cili tha në mbledhjen e qeverisë “urojmë të ndërpritet avazi i bllokimit të reformave pozitive”.

Me anë të një postimi në Facebook, ajo tha se fajet nuk i ka Gjykata Kushtetuese, por ministrat, zëvendësministrat e deputetët e Kryeministrit që sipas saj krijojnë ligje që shkelin Kushtetutën, shkruan Arbresh.info.

Sipas saj, mandati i Kurtit ka shkuar vetëm me ankesa, në vend se të punohej diçka.

“Kryeministër, fajet nuk i ka Gjykata Kushtetuese. Fajet i kanë ministrat, zëvendësministrat, deputetët dhe këshilltarët e tu të shumtë, që po krijojnë ligje të cilat e shkelin me të dy këmbët aktin më të lartë juridik të shtetit tonë. Lëre rehat Gjykatën Kushtetuese dhe secilin institucion tjetër i cili po mundohet të ruaj shtetin nga keqqeverisja juaj! Ju shkoj komplet mandati me ankesa, në vend se me punu diçka”, ka shkruar ajo./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm