Deliu-Kodra: Me anulimin e ftesave për deputetët kosovarë, Serbia tregoi mendësinë primitive

00:00 | 11 Maj 2018
Trina Galanxhi

Deputetja e PDK-së, Blerta Deliu-Kodra, e ka quajtur mendësi primitive dhe kthim prapa vendimin e Kuvendit të Serbisë që të mos u lejohet deputetëve kosovarë pjesëmarrja në një konferencë ndërkombëtare në Beograd.

Deliu-Kodra dhe deputetja e LDK-së, Vjosa Osmani ishin ftuar nga Nenad Çanak, kryetar i Komisionit për Integrime Evropiane në Kuvendin e Serbisë, ndërsa një ditë para nisjes së konferencës ftesat për deputetet kosovare u anuluan nga kryetarja e Kuvendit, Maja Gojkoviq.

“Kjo tregoi mendësi primitive dhe aspak në frymën e bashkëpunimit, në çka deklarohet Serbia. Ajo bie ndesh edhe me politikën e Bashkimit Evropian, që kërkon që secili shtet të mos e bllokojë tjetrin, por të ketë bashkëpunim mes tyre. Beogradi ka mendësi anti-evropiane, primitive, e po kthehet prapa përkundër marrëveshjeve që të mos ketë pengesa për shtete në konferenca të tilla”, ka thënë Deliu-Kodra në Interaktiv të KTV-së./Koha.net/

Shpërndaje në rrjete sociale

Lajmet më të lexuara

Të ngjashme

Foto lajm