Delegacioni i Republikës së Kosovës, i udhëhequr nga zëvendëskryeministrja dhe Ministrja e Punëve të Jashtme dhe Diasporës, Donika Gërvalla, në përbërje të të cilit është Ministri i Mbrojtjes, Ejup Maqedonci, Drejtori i Agjencisë së Kosovës për Inteligjencë, Petrit Ajeti dhe përfaqësues nga FSK-ja, po merr pjesë në konferencën dyditore “Defence 24 Days”, e cila i kushtohet çështjeve që lidhen me mbrojtjen dhe sigurinë, sfidat dhe situatën aktuale dhe të ardhshme gjeopolitike, parandalimin dhe mbrojtjen në epokën e luftës.
“Si një prej konferencave më të mëdha dhe më të rëndësishme të sigurisë në Evropë, “Defence24 Days” është një mundësi e mirë e diskutimit mes përfaqësueseve më të lartë shtetërorë, ekspertëve, civilëve dhe ushtarakëve, rreth sigurisë dhe mbrojtjes në Evropë”, thuhet në njoftimin e MPJD-së.
Përmes diskutimeve në panele Republika e Kosovës do të paraqesë pikëpamjet, angazhimin dhe kontributin e saj në ruajtjen e paqes dhe stabilitetit në Evropë dhe në Ballkanin Perëndimor.
Gërvalla në kuadër të kësaj konference do të ketë takime me udhëheqës të lartë të Polonisë, të shteteve tjera pjesëmarrëse në konferencë, përfaqësues të institucioneve rajonale dhe globale, civile dhe ushtarake./Arbresh.info
Opozita kërkon hetim të thellë për Mimoza Kusari-Lila pas rr...
Rama i përmend dy prej protestave më të mëdha që mendon se u...
Të paktën 60 të vrarë nga sulmet izraelite gjatë orëve të fu...
Dita e ndeshjes, Kosova luan në udhëtim te Lituania
Policia shqiptoi 1 mijë e 846 gjoba trafiku për 24 orë
Tetë persona u lënduan- u arrestua ngasësi i kamionit, detaj...