Google ADS

Delawie përfundon misionin në Kosovë, Thaçi e falënderon për krejt mbështetjen

19:25 | 21 Shtator 2018
A. B.

Ambasadori në largim i Shteteve të Bashkuara të Amerikës, Greg Delawie, për pak ditë do të largohet nga Prishtina, sepse tashmë misioni i tij në Kosovë ka përfunduar.

Presidenti Hashim Thaçi e ka falënderuar ambasadorin Delawie për mbështetjen që ia ka dhënë shtetit të Kosovës, njofton Klan Kosova.

“Përkrahja juaj personale, këshillat dhe vërejtjet na kanë dhënë inkurajim. Në Kosovë ke investuar jo vetëm profesionalizimin, por edhe zemrën tënde. Ke punuar sinqerisht për Kosovën. Kosova do të jetë gjithmonë shtëpia juaj e dytë”, ka thënë Thaçi në takimin lamtumirës.

Thaçi ndër të tjera ka thënë se Kosovë për të gjitha proceset e rëndësishme siç janë dialogu dhe ushtria do të bashkëpunojë me shtetin mik të Kosovës, Amerikën.

Ambasadori i ri amerikan në Kosovë do të jetë Philip S. Kosnett.

 

Shpërndaje në rrjete sociale

Lajmet më të lexuara

Të ngjashme

Foto lajm