Delawie: E ardhmja ekonomike e Kosovës varet nga pjesëmarrja e gruas në pronë

21:49 | 8 Mars 2018
Arbresh.info

Përqindja e vogël e grave që posedojnë pronë po konsiderohet faktor negativ në zhvillimin ekonomik të Kosovës.
Ambasadori i Shteteve të Bashkuara të Amerikës në Kosovë, Greg Delawie, konsideron që situata e tanishme në çështjen e të drejtave të grave në pronë po rrezikon të ardhmen ekonomike të vendit.

“Është jashtëzakonisht e rëndësishme për të ardhmen e Kosovës që kosovarët të jenë në gjendje të marrin pjesë në ekonomi në baza të njëjta si burrat. Dhe nëse nuk mund të trashëgoni ose keni problemi në trashëgiminë e pronës nga prindërit tuaj, ose keni vështirësi në regjistrimin e pronës në Komunë nuk mund të merrni pjesë plotësisht në ekonominë e Kosovës”, tha Delawie në emisionin ‘Jeta në Kosovë’.

Ai megjithatë tha se investimi i bërë nga Ambasada Amerikane në këtë çështje nuk është krejtësisht pa rezultat.

“Po shohim rezultate reale. A është gjithçka për mrekulli? Ende jo, por do të vazhdojmë të punojmë për këtë çështje.”, tha Delawie. /kallxo.com

Shpërndaje në rrjete sociale

Lajmet më të lexuara

Të ngjashme

Foto lajm