Kryetari i Aleancës për Ardhmërinë e Kosovës (AAK), Ramush Haradinaj ka komentuar deklaratën e kryeministrit, Albin Kurti i cili ka thënë se “jo për gjithçka pajtohemi me SHBA-në”.
Haradinaj këtë deklaratë e ka cilësuar si përpjekje dëshpëruese të Kurtit për të fshehur mospajtimet e tij, pikërisht aty ku nuk duhet, në sferën e sigurisë, përcjell Arbresh.info.
“E para, Kosova është aleat në çështjet e sigurisë globale dhe kjo nuk mund të ndryshojë asnjëherë, pavarësisht se kush është në krye të qeverisë. Kjo është, jo vetëm përcaktim por edhe orientim i pandryshueshëm i yni. Deklaratat e Kryeministrit se, jo për gjithçka pajtohemi me Shtetet e Bashkuara, janë përpjekje dëshpëruese të tij për të fshehur mospajtimet e tij, pikërisht aty ku nuk duhet, në sferën e sigurisë”, ka shkruar Haradinaj në llogarinë e tij në Facebook.
“Për sigurinë, nuk mund të ketë as dallime e as mospajtime me partnerët! Siguria e Kosovës dhe Rajonit, garantohet vetëm duke qenë të bashkuar me aleatët, posaçërisht me ShBA dhe duke u bërë pjesë e NATO-s”, ka shtuar kreu i AAK-së./Arbresh.info
PSG refuzon t’i paguajë shifrën marramendëse Mbappes
“Kosova Kosova” brohorasin kadetët dhe ushtarët amerikanë, O...
“Mirror”: Shqipëria, destinacioni më i kërkuar për pushime n...
Borrell zhvillon takim me liderët e Ballkanit Perëndimor të ...
Gërvalla në Takimin e Grave Ministre të Punëve të Jashtme në...
Policia jep detaje për vrasjen e Florim Zeqirit, rasti duke ...