Dega e Lidhjes Demokratike të Kosovës të Beneluksit ka bërë të ditur se në konsultim me nëndegët e Beneluksit, mbështesin vendimet e Kryesisë Qendrore, kryetarit Isa Mustafa dhe Këshillit të Përgjithshëm dhe se kanë besim të plotë në të gjitha strukturat e kësaj partie.
Reagimi i degës së LDK-së për Beneluks vjen pas shkarkimit të Vjosa Osmanit nga pozita e nënkryetares dhe Kryesia e LDK-së, pasi që kjo e fundit u shpreh haptas kundër qëndrimeve të partisë për formimin e Qeverisë Hoti.
Në një komunikatë për media thuhet se Dega e LDK-së për Beneluks me shqetësim po e përcjellë situatën politike pas krijimit të Qeverisë së Kosovës dhe vlerëson se LDK-së në situatën aktuale i duhet më shumë se kurrë uniteti dhe mirëkuptimi.
“Dega jonë dënon ashpër fushatën e ulët linçuese, e cila po zhvillohet në rrjete sociale, të orkestruara, përmes aktivistëve politik apo forma tjera ndaj LDK-së dhe aleatit tonë, Shteteve të Bashkuara të Amerikës”, thuhet në kumtesë.
Propozimi i kryetarit Mustafa për ta shkarkuar Osmanin dhe vendosjen e kryeministrit Avdullah Hoti në vend të saj, ka marrë mbështetjen e 70 anëtarëve të Këshillit të Përgjithshëm, nga 95 sa votuan në Këshillin e Përgjithshëm, teksa 16 janë shprehur kundër dhe 9 abstenuan.
Zyra për media e LDK-së nuk ka bërë të ditur se kush ka votuar pro, kundër dhe ata që abstenuan dhe që nuk morën pjesë në votim, ndërsa Vjosa Osmani u ka çuar ‘selam’ atyre që iniciuan dhe votuan shkarkimin e saj, se ‘shumë shpejt do të ballafaqohen në garën zgjedhore’.
Policia shqiptoi 2 mijë e 311 gjoba trafiku për 24 orë
Çmenduria e tifozëve para El Clasico-s në “Santiago Bernabeu...
Gjykata e Posaçme cakton seancën paraprake për Sali Berishën...
Tensionet në Lindjen e Mesme/ Të paktën 33 të vrarë nga sulm...
Horoskopi, zbuloni parashikimin e yjeve për shenjën tuaj
Moti sot me diell dhe vranësira