Debat i ashpër mes Hykmete Bajramit dhe Ganimete Musliut për demarkacionin

00:29 | 13 Maj 2017
Trina Galanxhi

Hykmete Bajrami ka zbuluar se LDK-ja e kishte kusht që mocioni të mos merrte votën e PDK-së, derisa menjëherë pas kësaj të kalonte në Kuvend marrëveshjen për demarkacionin.

Kjo sipas Bajramit dëshmon se PDK-ja nuk e kishte hallin te mungesa e vendimeve të mëdha, por krejt tjetërkund.

“Le të tregojë se në çfarë afati do e kalojë PDK-ja dhe me kë do ta shtyjë tutje këtë version të demarkacionit”, ka thënë ajo në Interaktiv të KTV-së.

“Veseli ka kërkuar që të ketë nënshkrime të deputetëve që do ta kalojnë demarkacioni, që nuk është as praktikë demokratike as kushtetuese”, ka thënë Bajrami.

Përball saj, ish-deputetja Ganimete Musliu, i është shmangur përgjigjes së drejtpërdrejtë.

“Po më vjen mirë që LDK-ja veç e ka pranuar se PDK-ja do të jetë e para, dhe do ta ketë primarin për të marrë vendime të mëdha”, ka thënë Musliu.

“Ky vend është çliruar nga keqqeverisja”, ka thënë më tej ajo.

Shpërndaje në rrjete sociale

Lajmet më të lexuara

Të ngjashme

Foto lajm