Qeveria e Kosovës ka deklaruar se nuk do ta pranojë marrëveshjen për themelimin e komunave serbe, e tillë siç është pasi ka shkelje kushtetuese.
Ministri i Jashtëm serb, Ivica Daçiq këtë vendim e ka quajtur ‘braktisje të dialogut’.
“Vendimi i të ashtuquajturës qeveri e Kosovës për të mos zbatuar marrëveshjen për formimin e Asociacionit të komunave serbe, në fakt është vendim i Prishtinës për ta lënë dialogun e Brukselit”, ka thënë Daçiq, transmeton lajmi.net.
Ministri serb ka paralajmëruar se i gjithë prcesi negociues në Beograd dhe Prishtinë tani mund të kthehet në pikën zero.
“Nëse thelbi i marrëveshjes që kemi rënë dakord tentohet të ndryshojë, Beogradi mund të shqyrtojë zhvendosjen e të gjitha marrëveshjeve që kemi arritur në Bruksel”, ka theksuar ai.
Për shkak të dështimit të mundshëm të procesit negociues shumëvjeçar, kreu i diplomacisë serbe iu ka drejtuar edhe bashkësisë ndërkombëtare.
“Ne i bëjmë thirrje Bashkimit Evropian dhe Shteteve të Bashkuara të ndikojnë urgjentisht në Prishtinë që të përmbushin angazhimet e veta sipas Marrëveshjes së Brukselit, pasi rreziku më i madh është që procesi i negociatave të ndërpritet përfundimisht. Beogradi nuk do të kishte asnjë përgjegjësi për këtë”, ka përfunduar Daçiq.
Ndryshe, Qeveria e Kosovës ka thënë se asnjë zyrtar i Prishtinës nuk ka mandat të marrë vendime jashtë kuadrit kushtetues./Lajmi.net/
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...