Daçiq: Bisedimet vazhdojnë kur të marrim informacione konkrete nga Prishtina për vrasjen e Ivanoviqit

19:50 | 22 Janar 2018
Arbresh.info

Ministri i Punëve të Jashtme i Serbisë, Ivica Daçiq, tha sot se dialogu mes Prishtinës dhe Beogradit do të vazhdojë atëherë kur pala serbe do të marr informacione konkrete mbi zbardhjen e vrasjes së liderit të SDP-së, Oliver Ivanoviq

“Vrasja e liderit të SDP-së, Oliver Ivanoviq, është një kërcënim për stabilitetin në rajon dhe vazhdimin e dialogut për normalizimin e marrëdhënieve mes Prishtinës dhe Beogradit” tha Daçiq.

Kreu i diplomacisë serbe shtoi se presin nga Prishtina zyrtare dhe nga autoritetet ndërkombëtare prezente në Kosovë zbardhjen sa më të shpejtë të krimit të kryer në veri të Mitrovicës, transmeton lajmi.net.

“Pala jonë është e përkushtuar në dialog, por ne nuk do t’i vazhdojmë këto bisedime pa pranuar informacion konkret lidhur me krimin e ndodhur”, shtoi Daçiq.

Daçiq foli edhe për anëtarësimin e Serbisë në Bashkimin Evropian, duke thënë që një gjë e tillë potencialisht do të ndodhë në vitin 2025 dhe kjo është gjë e mirë për shtetin serb.

Shpërndaje në rrjete sociale

Lajmet më të lexuara

Të ngjashme

Foto lajm