Çohu adreson problemet lidhur me financimin e partive politike

07:35 | 12 Shtator 2018
Arbresh.info

Organizata Çohu! mban konferencë për media lidhur me financimin e partive politike në Kosovë.

Pasi që në këtë kohë janë duke u diskutuar ndryshimet në Ligjin për Financimin e Partive Politike, ÇOHU! do të adresojë problemet ekzistuese lidhur me këtë proces.

Pas publikimit të raporteve të auditorit për periudhën 2013-2016 mbi pasqyrat financiare të partive politike, ÇOHU! ka analizuar të hyrat e partive dhe ka gjetur që natyra e financimit të tyre vazhdon të mbetet e njëjtë me vitet paraprake.

Duke marrë parasysh problemet që dalin nga mosrregullimi i financimit të subjekteve politike, Organizata ÇOHU! ka realizuar një videograf për të paraqitur në mënyrë vizuale raportet klienteliste që kanë lindur si pasojë e moskontrollimit të financave të partive politike.

Përmes këtij videografi do të publikohen shumat e mjeteve që secila parti politike ka pranuar nga biznese të ndryshme, si dhe numri dhe vlera totale e tenderëve që këto biznese i kanë marrë.

Shpërndaje në rrjete sociale

Lajmet më të lexuara

Të ngjashme

Foto lajm