Çitaku: Kurti po ndërhyn brutalisht në zgjedhjet në RMV, po i përçan shqiptarët

10:40 | 11 Prill 2024
E.H

Sekretarja e Përgjithshme e PDK-së, Vlora Çitaku ka akuzuar kryeministrin e vendit, Albin Kurti se po ndërhynë brutalisht në zgjedhjet në Maqedoninë e Veriut.

Me anë të një postimi në llogarinë e saj në Facebook, Çitaku ka thënë se Kurti po e bënë këtë gjë duke shpifur e manipuluar, përcjell Arbresh.info

Postimi i plotë:

Shqiptarët në Maqedoninë Veriore i kanë dalë hakut Kosovës.

Na i kanë hapur dyert dhe zemrat në orët tona më të vështira. Pa kushte.

Për më tepër djem e vajza erdhën dhe me vetmohim luftuan për lirinë tonë. Disa e dhanë edhe jetën.

Dy dekada pas, shqiptarët në Maqedoninë Veriore janë faktorë me peshë. Janë më meritorët për mirëmbajtjen e kursit euroatlantik të vendit të tyre.

E çka bënë Kryeministri dhe Qeveria e Kosovës sot? Ndërhynë brutalisht në zgjedhjet atje, duke përcarë shqiptarët. Duke shpifur e manipuluar.

Seç e ka një mosdurim Kryeministri Kurti për secilin lider politik të UÇK-së.

E turpshme. E mjerë. E rrezikshme./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm