Google ADS

Çitaku kritikon Qeverinë: Në rrjetet sociale po shkarravitet kundër aleatëve, raporti me ShBA-në duhet trajtuar me kujdes

09:53 | 2 Shkurt 2023
A. B.

Nënkryetarja e PDK-së, Vlora Çitaku, ka theksuar se raporti me Shtetet e Bashkuara të Amerikës dhe aleatët e tjerë duhet trajtuar me kujdes.

Ish ambasadorja Çitaku thotë se çfarëdolloj mospajtimi duhet trajtuar me diskrecionin e nevojshëm diplomatik.

“Duhet treguar maturi, seriozitet dhe parashikueshmëri. Çfarëdolloj mospajtimi duhet trajtuar me diskrecionin e nevojshëm diplomatik”, ka shkruar Çitaku në “Facebook”.

Ajo ka thënë se fatkeqësisht, kanë parë edhe eksponentë të lartë të qeverisë duke shkarravitur në rrjete sociale parulla të turpshme kundër aleatëve.

“Aleancat duhen mirëmbajtur e ushqyer vazhdimisht. Tani jetojmë në epokën e ndërvarësisë dhe aleancat janë po aq të rëndësishme sa sovraniteti”, ka shkruar Çitaku ndër të tjera.

Ditëve të fundit kërkesa e zyrtarëve amerikanë për themelimin e Asociacionit ka shkaktuar reagime tek deputetë e zyrtarë të tjerë të VV-së. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm