Google ADS

Çitaku: Gratë e vajzat e reja që po i bashkohen PDK-së do të kenë mbështetjen dhe hapsirën që e meritojnë

21:30 | 24 Shtator 2022
E.H

Nënkryetarja e Partisë Demokratike të Kosovës, Vlora Çitaku, tha sonte se PDK po hapet dhe po reformohet, por nuk tjetërsohet.

Duke iu përgjigjur çdo zëri kritik, ajo përmes rrjetit social Facebook thotë se në PDK është që nga themelimi.

“Gratë e vajzat e reja që po i bashkohen PDK-së do ta kenë mbështetjen dhe hapsirën që e meritojnë. Nuk ka rrugë tjetër”, ka shkruar Çitaku.

“Në fakt, me Presidentin Thaçi kam punuar para se PDK të krijohet si parti. E kam parë nga afër përpjekjen e tij të vazhdueshme për ta pasuruar, rilindur, e reformuar PDK-në. Poashtu e di që edhe atëbotë, sikurse edhe sot, ka pasur ndonjë rezistencë. Por, rrugëtimi ynë nuk ndalet. E unë, si një grua që ka gëzuar mbështetje e privilegje nga PDK në këto 23 vite, suksesin më nuk e peshoj me pozicionin tim. Sukesin tim e peshoj me mundësitë që do të krijojmë për gratë e vajzat e reja. Nuk kemi me u ndalë. Bashkë. 50|50”, tha Çitaku./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm