Google ADS

Certifikohen 119 oficerë korrektues të Shërbimit Korrektues të Kosovës

16:03 | 30 Korrik 2019
L G

119 oficerë të ri i janë shtuar nga sot Shërbimit Korrektues të Kosovës (SHKK).  Kjo pasi SHKK dhe Akademia e Kosovës për Siguri Publike ka certifikuar sot 119 oficerë të ri.

Oficerët e ri sipas njoftimit të SHKK-së do të angazhohen në Burgun e Sigurisë së Lartë dhe Qendrën e Paraburgimit në Gjilan.

“Sot, në një ceremoni të organizuar nga Shërbimi Korrektues i Kosovës (SHKK) dhe Akademia e Kosovës për Siguri Publike, u certifikuan 119 oficerë korrektues të gjeneratës së 41-të, të Shërbimit Korrektues të Kosovës, të cilët pritet të fillojnë angazhimin e tyre në Burgun e Sigurisë së Lartë dhe në Qendrën e Paraburgimit në Gjilan”, bën të ditur SHKK-ja.

Në këtë ceremoni sipas njoftimit kanë marrë pjesë, ministri në detyrë i Drejtësisë, Abelard Tahiri, drejtori i Përgjithshëm i Policisë së Kosovës, Rashit Qalaj, drejtori i Përgjithshëm i SHKK-së, Nehat Thaçi, drejtori i AKPS-së, . Ismail Smakiqi, si dhe përfaqësues të tjerë të institucioneve vendore dhe ndërkombëtare./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm