Ministri i Kulturës, Rinisë dhe Sportit, Hajrulla Çeku u ka shprehur ngushëllime familjes e Luan Mulliqit, i cili ndërroi jetë këtë të shtunë.
Duke përmendur krijimtarinë që la pas i ndjeri, Çeku tha se kontributi i tij në zhvillimin e artit pamor dhe monumental në vend ishte i rrallë, shkruan Arbresh.info.
“Lamtumirë Luan Mulliqi, mjeshtër i skulpturave që shpërfaqin identitetin dhe kulturën e vendit. Shtatorja e akademik Fehmi Aganit në Prishtinë, ajo e Nënë Terezës në Tiranë, e Ismail Qemalit në Prishtinë, busti i Sekretares së shtetit të SHBA-ve Madeleine Albright janë vetëm disa nga krijimet që ky artist i madh na la pas për ta kujtuar gjithmonë. Kontributi i tij në zhvillimin e artit pamor dhe monumental në vend ishte i rrallë. Ai udhëhoqi Galerinë Kombëtare të Kosovës, u angazhua në Akademinë e Shkencave dhe të Arteve të Kosovës. Gjithashtu ishte pedagog i pashoq në Universitetin e Prishtinës dhe Tetovës.”, shkroi ai.
“Krijimtaria e tij e lavdishme do të jetë trashëgimi e çmuar për të gjithë qytetarët.”, u shpreh ministri Çeku./Arbresh.info./
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...