Numri i aksidenteve të trafikut në Kosovë po vazhdon të mbetet i lartë pavarësisht Ligjit të ri të Komunikacionit i cili parasheh dënime të ashpra në raste të mos respektimit të rregullave.
Policia e Kosovës raporton çdo ditë për ngjarjet që kanë shënuar në 24 orët e fundit në tërë territorin e Kosovës dhe sipas të dhënave të tyre, mesatarisht në Kosovë çdo ditë ndodhin 50 aksidente, shkruan arbresh.info.
Në shumicën prej tyre, siç raporton Policia, shkak bëhet mospërshtatja e shpejtësisë së veturës me kushtet e rrugës.
Këmbësorët janë ata që në shumë raste e pësojnë si pasojë e kundërvajtjeve që bëhen në trafikun rrugor.
Policia e Kosovës bënë të ditur për Arbresh.info se gjatë gjithë vitit të kaluar janë lënduar 1258 këmbësorë nga aksidentet e trafikut prej të cilëve 25 kanë humbur jetën.
Ndërkaq, gjatë tre mujorit të parë të këtij viti, janë lënduar 286 këmbësorë ndërkaq kanë mbetur të vdekur 8 prej tyre nga lëndimet që kanë pësuar.
Më 20.09.2016 ka hyrë në fuqi Ligji Nr. 05/L-088 për Rregullat e Trafikut Rrugor.
Qëllimi i këtij ligji, sipas MI-së, është rritja e sigurisë në trafikun rrugor, zhvillimi i rrjedhjes normale të trafikut dhe mbrojtja e ambientit.
Me këtë ligj janë përcaktuar rregullat e reja për shoferë, këmbësorë dhe për pjesëmarrësit tjerë në trafik, sistemi i pikëve negative, marrja e përkohshme përkatësisht anulimi i patentë shoferit, përdorimi i rripit të sigurisë sipas standardeve të Direktivave Evropiane, Kontrollimi mobil i rregullsisë teknike të automjetit, mbrojtja e ambientit etj.
Gjobat për tejkalim të shpejtësisë brenda zonave urbane, variojnë nga 20 deri në 900 euro. Nëse shoferi tejkalon shpejtësinë e paraparë me shenja të komunikacionit me më shumë se 5 kmh, atëherë gjobitet me 20 euro. Ndërkaq, nëse shpejtësia shkon mbi 50 kmh, gjoba arrin nga 300 deri në 900 euro./Arbresh.info
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite