“Caritas Kosova” dhuron 27 shtretër dhe komodina për QKUK

15:12 | 15 Dhjetor 2017
Arbresh.info

“Caritas Kosova” ka dhuruar në formë të donacionit, 27 shtretër, 32 komodina dhe 33 dyshekë për nevoja të klinikave të Qendrës Klinike Universitare të Kosovës (QKUK).

Me rastin e pranimit të këtij donacioni, Basri Sejdiu, ushtrues detyre i Shërbimit Spitalor dhe Klinik Universitar të Kosovës (SHSKUK) theksoi se kjo është një ndihmës e madhe për QKUK-në.

“Rëndësia e donacionit është edhe më e madhe duke llogaritur se jemi në fundvit dhe jemi në fundvitit buxhetor, ku kemi vështirësi dhe pamundësi për të blerë blerje, andaj këta shtretër do të jenë të mirëseardhur”, tha ai.

Sejdiu tha se shtretërit do të dërgohen në klinikat ku ka nevojë më të madhe, sidomos në shërbimet që planifikohet të funksionalizohen 24 orë.

Don Viktor Sopi nga Caritas Kosova tha se kjo ndihmë për QKUK-në vjen nga Caritasi gjerman.

Shpërndaje në rrjete sociale

Lajmet më të lexuara

Të ngjashme

Foto lajm