Google ADS

Bytyqi zotohet se rastet e korrupsionit do të trajtohen me prioritet

10:52 | 2 Janar 2018
Arbresh.info

Luftimi i krimit dhe korrupsionit si kusht kryesor për liberalizimin e vizave, ka mobilizuar edhe Gjykatën Themelore në Prishtinë që këto raste t’i trajtojë me prioritet.

Kryetarja e kësaj gjykate, Afërdita Bytyqi në një intervistë me shkrim dhënë lajmi.net ka deklaruar se Gjykata Themelore ka arritur sukses në vitin 2017 për trajtimin e lëndëve që kanë të bëjnë me korrupsion, duke u zotuar se kjo do të jetë prioritet edhe në vitin e ardhshëm.

Bytyqi gjithashtu ka bërë të ditur se kanë arritur që të reduktojnë edhe numrin e lëndëve për 5.4%.

Sipas kryetares Bytyqi, në Gjykatën Themelore në Prishtinë ka nevojë edhe për 40 gjyqtarë shtesë.

Ndryshe, Gjykata e Prishtinës është gjykata më e madhe në Kosovë me katër degë dhe pesë departamente./lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm