Gazetari Andi Bushati ka thënë se ushtruesja e detyrës së presidentit, Vjosa Osmani, erdhi në Tiranë me misionin anti-Ramë. Sipas Bushtatit, në këtë formë në Shqipëri nuk janë sjellur as presidentët grekë.

Ai tha se ishte i dëshpëruar për këtë vizitë të Vjosës, sepse është një nga vizitat më të tensionuara që një shef shteti ka bërë në Shqipëri dhe se ka ardhur në Tiranë vetëm për ti thënë Edi Ramës se ai është miku i Vuçiçit dhe tradhtar, dhe se ka kundërshtuar gjithçka ku mendon se ka qenë aksioni diplomatik i Edi Ramës në këto 7 vite.

“Isha i dëshpëruar në kuptimin se kisha kaluar në një krahasim absurd, që është një nga vizitat e tensionuara që një shef shteti ka bërë në Shqipëri.

Unë jam dakord me ato që thotë Vjosa Osmani për genocidin Serb, për Mini Schengen, për copëtimin e Kosovës, por çështja është një president i një shteti shqiptar a mund të vijë në Shqipëri dhe të plasi një seri me bomba kaq publikisht dhe kaq ashpër për të goditur një njeri dhe një shumicë politike.

Po ta vendosësh edhe Albin Kurtin që ka qenë më i ashpëri, edhe Ramush Haradinaj që ka qenë prapë i ashpër me Edi Ramën, nuk kanë bërë një vizitë me një paketë të plotë kundër një njeriu.

Vjosa Osmani ka zbarkuar në Tiranë vetëm për ti thënë Edi Ramës që ti je miku i Vuçiçit dhe tradhtar, dhe ka kundërshtuar gjithçka ka qenë aksioni diplomatik i Edi Ramës në këto 7 vite.

Ky nuk është mendimi i Vjosa Osmanit, sepse për Mini Schengen, për ndarjen e Kosovës, ke së bashku në Kosovë kundër qëndrimit që mban Rama me Vuçiçin, ke Isa Mustafën, ke Albin Kurtin, ke Vjosa Osmanin dhe Ramush Haradinaj.

Brukseli nuk ka pasur të njëjtin qëndrim si Amerika dhe unë në shkrimin që ju cituat e thoja dhe këtë.

Pse them unë që Vjosa Osmani ka zbarkuar në Tiranë gati me një axhendë anti-Rama, se ja kërkon Qeverisë shqiptare Mini Schengen, ndërkohë që ka kryeministrin e saj që ka shkuar dhe ka firmosur në Ëashington, pra a mund t’ia kërkosh Tiranës një gjë që e ka nënshkruar Prishtina?!

Problemi është se edhe për mua është një protagonizëm i tepruar.

Ne këtu na kanë ardhur disa presidentë grekë dhe e dimë se ç’probleme kanë midis tyre Tirana dhe Athina, por mund të kenë thënë edhe shumë pas dyerve të mbyllura, por të thëna publikisht me kaq forcë, jo.

Kurrë një delegacion i shtetit nuk ka plasur kaq shumë probleme në tavolinë”, tha Andi Bushati në Top Talk.