Bulliqi tregon se a do të largohet nga LDK-ja

11:30 | 13 Maj 2017
Arbresh.info

Kryeministri në largim, njëherësh kryetari i Lidhjes Demokratike të Kosovës, Isa Mustafa kishte paralajmëruar deputetët e vet se kush nuk i dëgjon ‘urdhrat e partisë’, atëherë të njëjtit nuk do të jenë pjesë e listave në zgjedhjet e parakohshme.

Njëri prej tyre është edhe deputeti Shpejtim Bulliqi. Ky i fundit kishte kundërshtuar haptas propozimin e Mustafës për ta votuar çështjen e Demarkacionit, e cila edhe ishte “mollë-sherri” për prishjen e koalicionit me PDK-në.

Mirëpo, Bulliqi nuk brengoset për këtë fakt. Ai thotë se do të qëndrojë në LDK edhe nëse e largojnë nga listat.

“Ato janë krejt vendime që shkojnë shkallë-shkallë në nivele partiake. Në qoftë se partia e vlerëson se ka nevojë për mua, është gjithçka në rregull, nëse jo, prapë është në rregull. Unë gjithmonë kam qenë LDK dhe do të mbetëm në LDK pavarësisht situatave”, ka thënë ai për “Indeksonline”./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm