Google ADS

Brnabiq: Gjyqtarët në Kosovë nuk u betuan, dhanë një deklaratë neutrale

12:14 | 27 Tetor 2017
Arbresh.info

Kryeministrja serbe, Ana Brnabiq mohoi sot se gjyqtarët dhe prokurorët serbë në Kosovë u emëruan pasi u betuan para presidentit të Kosovës, Hashim Thaçi.

“Këtu janë disa informacione reale: gjykatësit tanë nuk kanë bërë ndonjë betim, por kanë dhënë një deklaratë të veçantë, neutrale ndaj  statusit. E vërteta është e rëndësishme”, shkruan ajo  në Twitter, duke iu përgjigjur informacioneve në rrjetet sociale rreth betimit të gjyqtarëve e prokurorëve serbë në veri.

Ky akt integron gjyqtarët dhe prokurorët serbë në sistemin gjyqësor të Kosovës, raportojnë mediat serbe.

Integrimi i tyre konsiderohet si hapi i fundit drejt zbatimit të plotë të Marrëveshjes së Brukselit mbi Drejtësinë, e cila u arrit më 10 shkurt 2015.

Shpërndaje në rrjete sociale

Lajmet më të lexuara

Të ngjashme

Foto lajm