Britania nuk e njeh Kataloninë

18:56 | 27 Tetor 2017
Arbresh.info

Theresa May ka thënë se Britania e Madhe nuk e njeh deklarimin e pavarësisë nga ana  e parlamentit katalunas, transmeton portali arbresh.info

Në një deklaratë të bërë publike nga Downing Street kryeministrja ka thënë: “Mbretëria e Bashkuar nuk e njeh Deklarimin e  Njëanshëm të Pavarësisë nga parlamenti rajonal katalunas. Është e bazuar në një votë që është shpallur e jashtëligjshme nga gjykatat spanjolle.

“Ne do të vazhdojmë të shohim sundimin e ligjit, respektimin e Kushtetutës spanjolle dhe ruajtjen e unitetit spanjoll”, thuhet më tej në deklaratë.

Disa orë më parë Parlamenti i Katalonisë ka shpallur deklaratën e pavarësisë, pasi e kishte ngrirë për disa javë për t’i hapur rrugën negociatave me Madridin. Mirëpo një gjë të tillë nuk kishte pranuar Spanja, duke nisur kështu procedurat për zbatimin e Nenin 155 të Kushtetutës, ku parashihet sundimi direkt mbi rajonin e Katalonisë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm