Bllokimi i rrugëve brenda në Kosovë është bllokim i rrugëve të Kosovës në botë

12:32 | 29 Mars 2017
Arbresh.info

Presidenti i Republikës së Kosovës, Hashim Thaçi ka reaguar ndaj bllokimit të rrugëve që sot e kanë bërë qytetarë në Mitrovicë, Gjilan e Rahovec.

Thaçi e ka quajtur bllokimin e rrugëve brenda Kosovës, bllokim të rrugëve të Kosovës në botë, duke e cilësuar këtë akt krejt të papranueshëm.

Reagimi i tij:

Bllokimi i rrugëve brenda në Kosovë është bllokim i rrugëve të Kosovës në botë.

Kjo qasje është tërësisht e papranueshme, sepse liria e lëvizjes, liria e tubimit, liria e mendimit politik dhe liria e shprehjes janë të garantuara me Kushtetutën dhe me ligjet e Kosovës. Këto vlejnë për çdo qytetar të Kosovës dhe askush nuk do të lejohet që t’i cenojë këto të drejta, pa marrë parasysh dallimet në bindje e qëndrime.

Nga logjika e bllokimit të rrugëve, sikurse ndodhi sot në disa qytete të Kosovës, më së shumti përfitojnë ata që nuk ia duan të mirën shtetit tonë.

Institucionet shtetërore duhet ta garantojnë mbrojtjen e këtyre lirive për secilin qytetar.

Shpërndaje në rrjete sociale

Lajmet më të lexuara

Të ngjashme

Foto lajm