Një delegacion i Aleancës Kosovare të Bizneseve –AKB i kryesuar nga kryetari Agim Shahini ka vizituar Portin industrial të Durrësit, i njohur me emrin PortoRomano ku u prit nga përfaqësuesi i Korporatës Shell Kosova z. Lulëzim Kryeziu në Deponitë e kësaj Korporate në këtë Port.

Në këtë rast Kryetari Shahini tha se jam tepër i kënaqur që jam prezent në arritjen e anijes JENNY I VALLETA me të madhe në këtë Port, e gjatë 174 metra dhe e gjerë 38 metra me një sasi 36 milion litra të derivateve të naftës dhe ky sukses i atribuohet SHELL KOSOVA dhe ne mburremi më këtë Korporatë kosovare si model i investimeve dhe deponive në këtë hapësirë që jep një siguri për qytetarët dhe konsumatorët e Kosovës dhe më gjerë se do të kemi sasi dhe kualitet të mjaftueshëm të derivateve të naftës pavarësisht situatave të krijuara edhe nga krizat e ndryshme por edhe nga Pandemia Covid 19, raporton arbresh.info.

“Tradita shumëvjeçare e korporatës së juaj është model në Ballkan dhe ky është sukses i të ndjerit biznesmenit të njohur global Latif Kryeziu i cili ka trasuar një rrugë të mbarë për ju dhe mbarë Kosovën në këtë sektorë”.

Lulëzim Kryeziu nga Shell Kosova tha se vizita e AKB-së na inkurajon neve që të investojmë edhe më tutje ne tregjet mbarë shqiptare, për të ju ofruar gjithmonë sasi dhe kualitet të sigurt për të gjithë klientët tonë të cilët i falënderoj që kanë besimin në Shell Kosova,

“Investimet dhe punësimet në kompaninë tonë do të vazhdojnë edhe më tutje dhe për këtë dua ti falënderoj familjen Babin tim të ndjerë Latif Kryeziu i cili ishte motiv i familjes, stafit dhe i partnerëve në Kosovë dhe anekënd botës dhe ne jemi duke vazhduar rrugën e tij, duke i angazhuar e gjithë familjen por edhe punëtorët të cilët po japin maximumin që Korporata jonë të arrij suksese të reja në fushën e derivateve dhe ndërtimit, hotelerisë dhe restoranteve në gjithë vendin”, tha Kryezi./arbresh.info/