Bislimi: Kosova është e përkushtuar për normalizim të plotë të marrëdhënieve me Serbinë dhe për njohje reciproke

22:38 | 6 Nëntor 2023
E.G

Zëvendëskryeministri i Kosovës, Besnik Bislimi, pati një darkë pune me Përfaqësuesin Special të BE-së për Dialogun Kosovë-Serbi, Miroslav Lajçak.

Në këtë takim u diskutua në lidhje me të gjitha aspektet e ndërlidhura me zbatimin e plotë të Marrëveshjes Bazike të Brukselit dhe Aneksit Implementues të Ohrit, përcjell Arbresh.info.

“Republika e Kosovës është e përkushtuar për normalizim të plotë të marrëdhënieve me Serbinë dhe për njohje reciproke.”, thuhet në njoftim.

Lidhur me takimin ka shkruar edhe Lajçak se gjatë takimit u diskutua për takimin e 26 tetorit, mes kryeministrit të Kosovës Albin Kurti, me liderët e BE-së, shkruan Arbresh.info.

Lajçak theksoi nevojën e zbatimit të plotë dhe pa parakushte të  Marrëveshjes për Rrugën e Normalizimit, të arritur në Ohër.

Ai tha se po ashtu është rënë dakord edhe për hapat e ardhshëm/Arbresh.info./

LEXO EDHE:

Lajçak: Të zbatohet plotësisht Marrëveshja për Rrugën e Normalizimit

 

Shpërndaje në rrjete sociale

Lajmet më të lexuara

Të ngjashme

Foto lajm