Ministri i Jashtëm serb, Ivica Daçiq, ka komentuar përsëri taksën e Kosovës ndaj produkteve serbe dhe është shprehur se pa presion ndërkombëtar, taksa nuk do të heqet.

Ai gjithashtu është shprehur se nuk pret ndonjë reagim të shpejtë nga CEFTA për kërkesën e Beogradit për konsultime të drejtpërdrejta brenda Komitetit të Përbashkët

“Bëmë gjithçka që ishte parashikuar nga kjo marrëveshje, e kemi dorëzuar zyrtarisht kërkesën, por pa presionin e fortë ndërkombëtar të atyre që i kanë krijuar dhe i sponsorizojnë, nuk besoj që masat do të hiqen shpejt”, tha Daçiq në përgjigje të pyetjeve nga gazetarët pas takimit me homologun e tij egjiptian.

Ai sugjeroi që Serbia nuk do të marrë asnjë masë që do të lejonte që disa të na vendosnin në të njëjtin renditje me Kosovën.

“Ne presim që të mos luajmë disa lojëra që ne të gjithë e dimë se nuk janë të vërteta, që tani dikush nuk mund të ndikojë në Kosovë”, tha ai.

Ai tha se nuk e ka dëgjuar më parë se dikush ka vendosur tarifë prej 100 për qind për ndokënd. Ai gjithashtu tha se ishte mirë që Sekretari Amerikan i Shtetit, Mike Pompeo reagoi duke kërkuar Kosovës që të shfuqizonte taksën dhe tha: “Por le të shohim se si do të përfundojë gjithçka”.