Google ADS

Besnik Bislimi i VV-së ia ‘zbuloi’ bisedën private, reagon Kujtim Shala i LDK-së

00:46 | 16 Janar 2020
Trina Galanxhi

Anëtari i kryesisë së LDK’së, Kujtim Shala, ka mohuar deklaratat e nënkryetarit të Vetëvendosjes, Besnik Bislimi sonte në emisionin Pressing të Televizionit 7.

Bislimi, duke folur për negociatat LDK – VV, deklaroi se Shala i ka thënë personalisht atij se “nuk keni zgjidhje tjetër, pos të na jepni kryeparlamentarin dhe presidentin”.

Anëtari i kryesisë së LDK’së ka thënë për Gazetën Express se nuk ka biseduar me Bislimin diçka të atillë dhe se nuk deklarohet asnjëherë për ato që nuk ka mandat.

“Me z. Bislimi nuk kam biseduar për një gjë të tillë. Unë, në asnjë rast, nuk flas për gjëra për të cilat nuk kam mandat. Pretendimi i tillë është totalisht joserioz”, ka thënë Shala.

Bislimi e rëndiste këtë deklaratë të Shalës, që pretendonte se ia ka thënë atij personalisht, si një nga arsyet që e kishin lënë Vetëvendosjen pa zgjidhje tjetër, pos ta propozonte Glauk Konjufcën për kryeparlamentar në seancën konstituive të 26 dhjetorit.

Shpërndaje në rrjete sociale

Lajmet më të lexuara

Të ngjashme

Foto lajm