Ish-kryeministri Sali Berisha i ftuar në emisionin “Opinion” tha se edhe në kohën e qeverisjes së Partisë Demokratike ka pasur raste korrupsion.

Duke krahasuar punën e tij me atë të, Edi Ramës, Berisha theksoi se gjatë qeverisjes së tij janë ndërtuar mijëra kilometra rrugë dhe spitale duke treguar se kryeministri nuk ka bërë asgjë për pos betonimit të shesheve në disa qytete të vendit.

“Ka pasur korrupsion edhe në Kohën e Partisë Demokratike. Me një buxhet aq sa ka qenë dhe rritje e borxhit publik me 4 për qind nga 58-62, me këtë borxh u ndërtuan dhe u rindërtuan 11 mijë km rrugë. U ndërtuan shkolla dhe kopshte . 720 ujësjellësa dhe kanalizime, ndërtuan dhe rindërtuam mbi 600 qendra shëndetësore në të gjithë vendin. U ndërtuan 11 impiante të ujërave të zeza dhe tani bashkitë e PS i derdhin ujërat e zeza në det. U dyfishuan rrogat dhe pensionet. Padiskutim kishte korrupsion, por nëse merr këto 6 vite, përveç shtrimit të pllakave nëpër sheshet e qytetit, sot nuk ke një rrugët të përfunduar.