Zëvendëssekretari i Këshillit të Evropës, Bjorn Berge, sot e ka demantuar zëvendëskryeministrin Besnik Bislimi, i cili tha se Berge mbështeti iniciativën e Kosovës për aplikim anëtarësimi në Këshillin e Evropës.

“Fatkeqësisht, ky nuk është një përshkrim i saktë i asaj që deklarova në takim në lidhje me një aplikim të mundshëm në Këshillin e Evropës”, ka shkruar Berge në Twitter, shkruan arbresh.info.

This is regrettably not a correct description of what I stated in the meeting in regard to a possible application to the CoE. https://t.co/2RQ3vHIXfV

— Bjørn Berge (@DSGBjornBerge) March 10, 2022

Bislimi kishte shkruar se Berge në Strasburg gjatë takimit që kanë pasur e kishte mirëpritur iniciativën e Kosovës për aplikimin për anëtarësim në Këshillin e Evropës.

“Kënaqësi të takoj Bjorn Bergen gjatë qëndrimit tim në Strasburg, i cili mirëpriti iniciativën e Kosovës për aplikimin për anëtarësim në Këshillin e Evropës. Diskutimi ynë u fokusua edhe në theksimin e progresit të lavdëruar të Kosovës, reformave dhe përafrimit me vlerat dhe politikat e jashtme evropiane”, kishte shkruar Bislimi.

Ndërsa sot pas reagimit të zëvendëssekretari i Këshillit të Evropës, është sqaruar Bislimi, i cili thotë se i vjen keq për përdorimin e termit joadekuat.

“Me të vërtetë falënderues për Bjorn Berge për takimin e shkëlqyer dhe shkëmbimin e mendimeve. Me të vërtetë, më vjen keq për zgjedhjen e termit joadekuat në tweet-in tim të fundit. Në vend të fjalës “ai mirëpriti”, përshkrimi i saktë duhej të ishte “ne informuam”, ka shkruar Bislimi mbi reagimin e zëvendëssekretarit të Këshillit Evropian./arbresh.info/

Really thankful to @DSGBjornBerge for the excellent meeting and the exchange of views. Truly sorry for the choice of the inadequate term in my last tweet. Instead of “he welcomed”, the correct description should state “we informed”. https://t.co/hpI3U1VFUJ

— Besnik Bislimi (@BislimiBesnik) March 10, 2022