Një zjarr i papritur ka rënë pasditen e sotme në konviktin e shkollës së mesme profesionale “Kristo Isak” në qytetin e Beratit.
Zjarri është konstatuar rreth orës 18:45 minuta nga vetë nxënësit dhe kujdestarët. Fatmirësisht në momentin e rënies së zjarrit, konviktorët (djem e vajza), kanë qenë të shpërndarë në mensë e oborr dhe nuk kanë qenë në dhomat e tyre.
Pasi kanë parë flakët e zjarrit në katin e tretë të godinës, ku ndodheshin dhomat e djemve, është njoftuar menjëherë zjarrfikësja e cila ka mundur të lokalizojë flakët dhe të shuajë zjarrin brenda rreth 30-minutave, duke mos lejuar që flakët të përpinin edhe katin e dytë ku ndodheshin dhomat e vajzave.
Burimet e para në vendngjarje bëjnë me dije se, zjarri ka filluar në një nga dhomat e katit të tretë dhe më pas i gjithë kati është përfshirë nga tymi. Dhoma ku ka filluar zjarri është shkrumbuar totalisht, ndërkohë që dëme material si pasojë e djegies ka pasur edhe në 5-dhoma të tjera të këtij kati.
Në vendngjarje kanë mbërritur edhe ekspertë të policisë,të cilët po punojnë për të zbuluar shkaqet e rënies së zjarrit, që paraprakisht mendohet të jetë shkaktuar nga një karikues që ka qenë në prizë. Në konviktin e shkollës së mesme profesionale “Kristo Isak” në Berat,janë të akomoduar rreth 150 nxënës (djem e vajza) që vijnë nga zona të ndryshme të qarkut të Beratit por edhe nga qytete të tjera. /shqiptarja.com/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...