Behgjet Pacolli takohet me homologen e tij suedeze, Margot Wallstrom

15:49 | 29 Janar 2018
Arbresh.info

Zëvendëskryeministri i parë dhe ministri i Punëve të Jashtme, Behgjet Pacolli ka zhvilluar takim me ministren e jashtme të Mbretërisë së Suedisë, Margot Wallstrom.

Pacolli ka thënë përmes një statusi në Facebook se Suedia i ka siguruar atij mbështetjen e pa rezervë ndaj shtetit të Kosovës, shkruan Arbresh.info.

Lexoni të plotë statusin e tij në Facebook:

Zhvillova një takim të rëndësishëm me ministren e jashtme të Mbretërisë së Suedisë, Znj Margot Wallström. Ri-konfirmuam nivelin e marrëdhënieve shumë të mira në mes dy vendeve dhe miqësinë në mes dy popujve.

E falënderova për gjithçka, që shteti nordik ka bërë para, gjatë dhe pas pavarësisë.

Suedia do të mbështetë pa rezerva rrugëtimin e integrimit evropian të vendit tonë, procesin e liberalizimit të vizave dhe projektet, që ndikojnë në përmirësimin e mirëqenies së shtetasve tanë. Ekzistojnë shumë mundësi ende të pashfrytëzuara edhe në nivelin dy-palësh. Duam dhe presim më shumë investime suedeze në vend./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm