Presidenti i Shqipërisë, Bajram Begaj, priti sot në një takim ministrin e Haxhit dhe Umres së Arabisë Saudite, Taufiq Bin Fauzan al-Rabiah.
Presidenca shqiptare njofton se në fokus të këtij takimi ishin marrëdhëniet shumë të mira politike në interes të bashkëpunimit dhe të zhvillimit të një agjende dypalëshe, mundësitë e rritjes së bashkëpunimit ekonomik, si dhe mbështetja për njohje të reja të Kosovës, përcjell Arbresh.info.
“Presidenti Begaj i shprehu Ministrit saudit të Haxhit dhe Umres falënderime për ndihmën humanitare dhe financiare që Arabia Saudite ka dhënë ndër vite për Shqipërinë në momente të vështira. Njëherazi, Kreu i Shtetit u shpreh për hapësirat që mund e duhet të shfrytëzohen për të rritur bashkëpunimin ekonomik, investimet direkte, si dhe mundësinë e vendosjes së një linje direkte mes Shqipërisë dhe Arabisë Saudite, gjë që do të ndikojë pozitivisht jo vetëm në numrin e turistëve, por edhe në shkëmbimet tregtare mes dy vendeve”, thuhet në njoftimin e Presidencës.
Begaj vlerësoi njohjen dhe mbështetjen e Kosovës nga Arabia Saudite, teksa kërkoi ndihmën për të zgjeruar numrin e këtyre vendeve./Arbresh.info
De la Fuente kritikon Real Madridin për mos pjesëmarrjen në ...
Izraeli thotë se diskutimet për armëpushim do të vazhdojnë
Momenti kur Monika Kryemadhi nga Parlamenti lexon postimin e...
Lista e Topit të Artë/ Nga vendi i 15-të deri te ai i 11-ti
Hamëza vazhdon me punëtorin e radhës në Gjilan, dëgjon kërke...
Vjedhje e rëndë në tri objekte të spitalit të Gjakovës