Më 8 qershor 2018, Këshilli i Bashkimit Evropian vendosi të rifokusojë mandatin e misionit të sundimit të ligjit të BE-së EULEX Kosovo, raporton Gazeta Alo.

Misioni, i themeluar 10 vjet më parë, ka pasur dy objektiva operacionale: një objektiv monitorimi, mentorimi dhe këshillimi, duke ofruar mbështetje institucioneve të sundimit të ligjit në Kosovë dhe dialogut Beograd-Prishtinë, si dhe një objektiv ekzekutiv, duke mbështetur drejtësinë në gjykimet e kushtetutës dhe atë civile, dhe ndjekjen penale dhe gjykimin e rasteve penale të caktuara.

Vendimi i sotëm sjell fundin e pjesës së mandatit ekzekutivit gjyqësor  të  EULEX.

“Kosova do të marrë përgjegjësinë për të gjitha hetimet, ndjekjet penale dhe gjykimet e transferuara,” thuhet në vendim.

Gazeta Alo mëson se që nga 14 qershori, misioni do të përqëndrohet në:

monitorimin e rasteve të zgjedhura dhe gjykimet në institucionet penale dhe civile të Kosovës

monitorimin, mentorimin dhe këshillimin e shërbimit korrektues të Kosovës

duke vazhduar mbështetjen e saj operacionale për zbatimin e marrëveshjeve të dialogut të lehtësuar nga BE për normalizimin e marrëdhënieve mes Serbisë dhe Kosovës.

Misioni do të mbajë disa përgjegjësi të kufizuara ekzekutive në fushat e mbrojtjes së dëshmitarëve dhe mbështetjen për dhomat e specializuara dhe prokurorinë e specializuar, si dhe përgjegjësinë për sigurimin e mirëmbajtjes dhe promovimit të sigurisë si përgjegjës i dytë i sigurisë, raporton Gazeta Alo.

Vendimi i Këshillit parashikon që mandati i rishikuar të zgjasë deri më 14 qershor 2020. Gjithashtu, ai cakton një buxhet të kombinuar për operacionet e misionit në Kosovë dhe për dhomat e specializuara dhe zyrën e prokurorit specialist prej 169.8 milionë euro për dy vjet (15 qershor 2018 – 14 Qershor 2020).

“Buxheti do të mbulojë shpenzimet e misionit të EULEX-it në Kosovë prej 83.6 milionë euro për zbatimin e mandatit të saj në Kosovë. 86.2 milionë euro do të mbështesin dhomat e specializuara dhe zyrën e prokurorit special,” thuhet në vendim.

EULEX Kosovo është nisur në vitin 2008. Selia e misionit është e vendosur në Prishtinë, Kosovë.

Alexandra Papadopoulou ka qenë kreu i misionit që nga 20 korriku 2016.

Më 5 qershor 2018, Komiteti Politik dhe i Sigurisë e zgjati mandatin e saj deri më 14 qershor 2019./Gazeta Alo/