Vlerësojmë se procesi zgjedhor për zgjedhjet lokale po zhvillohet në mënyrë demokratike dhe qytetarët kanë mundësi që ta shprehin vullnetin e tyre të lirë dhe të papenguar. Kështu theksoi zëdhënësi i Shtabit Qendror Zgjedhor të BDI-së, Arbër Ademi në takimin e parë me gazetarë.
“Komisioni Shtetëror Zgjedhor dhe organizatat joqeveritare bashkë me shumë mbikëqyrës ndërkombëtar që po vëzhgojnë ecurinë e këtyre zgjedhjeve e shohin këtë proces kryesisht si të rregulltë dhe në përputhshmëri me pritshmëritë e pjesëmarrësve në proces. Parregullsitë e vogla teknike që janë evidentuar në disa vendvotime nuk cenojnë në asnjë mënyrë procesin dhe prandaj ftojmë partitë politike që mos të kërkojnë alibi për verdiktin e sotëm të popullit, por të angazhohen për mbarëvajtjen e procesit dhe të japin kontributin e tyre për zgjedhje të lira dhe demokratike. Ne ftojmë qytetarët të dalin masovikisht ta ushtrojnë të drejtën e tyre të votës dhe të votojnë sipas bindjes së tyre, të lirë dhe pa asnjë frikësim dhe kushtëzim, ndërsa çdo parregullsi eventuale, ta raportojnë në institucionet përkatëse”, tha Arbër Ademi.
Xheneta tregon ngjarje kur punonte në hotel: Çka s’kam pa, a...
Aliu thotë se ende s’ka marrë informacion zyrtar për hetimet...
Krasniqi: Nuk ka asnjë arsye që ura e Ibrit të vazhdojë të j...
“I falen Allahut 5 herë në ditë dhe nuk paguajnë sigurimet s...
Paga mesatare në Maqedoni të Veriut është më e ulëta në rajo...
Aliu: Taskforca e mjedisit ka ndërmarr mbi 20 aksione për të...