Bashkësia Islame tregon sa kurbanë janë therur ditën e Bajramit

15:08 | 11 Korrik 2022
A. B.

12 mijë e 174 kurbanë janë pranuar në Bashkësinë Islame të Kosovës (BIK), ku më pas janë therur.

Kështu ka njoftuar BIK-u, të hënën, ku ka treguar se do të tregojnë emrat e atyre që kanë dorëzuar kurbanë.

Ky numër kurbanësh nuk përfshin edhe kafshët e tjera të prera në ditën e Bajramit, që nuk u dorëzuan në BIK.

“Edhe sot, sikurse edhe dy ditët e para të Kurban-Bajramit, është duke u çuar në vend amaneti i besimtarëve tanë për therjen e kurbaneve sipas normave hallall dhe standardeve të BE-së”, thuhet në njoftim.

“Bashkësia Islame e Kosovës falënderon të gjithë besimtarët që ia besuan amanetin e therjes së kurbanit, duke lutur Zotin e Madhëruar që t’ua pranojë këtë ibadet dhe që t’i shpërblejë me mirësitë e Tij”, përfundon njoftimi. /arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm