Banorët e Sferkës së Klinës bëhen me rrejt të ri elektrik

09:43 | 5 Qershor 2024
K.B

Kompania Kosovare për Distribuim të Energjisë Elektrike (KEDS), njofton se kanë instaluar një rrjet të ri elektrik për banorët e Sferkës së Klinës.

Sipas njoftimit nga KEDS, me këtë rrjet të ri do të përmirësohet cilësia e jetës së konsumatorëve.

“Ditën e sotme po e nisim me një super lajm të mirë për banorët e Sferkës së Klinës. KEDS aty ka përfunduar projektin e ri të rrjetit elektrik shpërndarës, duke instaluar mbi 7,000 metra rrjet të ri të tensionit të mesëm dhe të ulët, duke përmirësuar ndjeshëm cilësinë e jetës së konsumatorëve”, njofton KEDS.

Tutje në njoftim thuhet se ky është vetëm një nga investimet e shumta që KEDS po bën në Klinë dhe Kosovë për të modernizuar rrjetin e shpërndarjes dhe për të ofruar shërbime të nivelit të lartë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm