Ministri në largim i Arsimit, Shkencës dhe Teknologjisë, Arsim Bajrami ka thënë se zhvillimi i shkencës do të kontribuonte shumë në zhvillimin ekonomik të Kosovës.

Bajrami tha në hapjen e Javës së Shkencës se Republika e Kosovës duhet të angazhohet shumë në përkrahjen e shkencës duke ndarë më shumë fonde për të stimuluar kërkimin shkencor, shkruan arbresh.info.

“Republika e Kosovës duhet të angazhohet shumë në përkrahje të shkencës, në ndarjen e fondeve më të mëdhja për të stimuluar kërkimin shkencor. Kjo javë e shkencës i tubon shkënctarët, është si një kohë  e reflektimit tonë se cilat janë standardet e të bërit shkencë në Republikën e Kosovës sepse shkenca është ajo që rezulton me progres në zhvillimin ekonomik dhe me krijimin e lidershipit të ri”, tha Bajrami.

Ai shtoi se Qeveria e Kosovës duhet të bëjë të mundshëm që secili universitet në Kosovë, qoftë publik apo privat të mos ekzistoj vetëm për të dhënë diploma akademike por edhe të kultivojnë punën kërkimore e shkencore./Arbresh.info.

https://www.facebook.com/arbresh.info/videos/1417452024986552/