Google ADS

Bajrami: I kemi votat për Projektligjin për Rimëkëmbje Ekonomike

19:41 | 9 Tetor 2020
Arbresh.info

Për të gjashtën herë dje deputetët e Kuvendit të Kosovës nuk kanë votuar Projektligjin për Rimëkëmbje Ekonomike në lexim të parë.

Ministrja e Financave, Hykmete Bajrami, në Info Magazine të Klan Kosovës, ka thënë se ata kanë mbledhur 61 vota për votimin e këtij projektligji.

“Janë 61 nënshkrime qe i ka mbledhur Grupi Parlamentar i LDK-së, pra ne 61 vota i kemi çdo herë në parlament”.

“Por, ka qenë mungesa e deputetëve për shkaqe të ndryshme një kohë e dini që kemi pasë disa deputet me COVID-19, mandej disa i kishim në udhëtime, ata të gjithë janë zotuar që të hënën do të jenë në Kuvend në ora 10:00 për të votuar ligjin për rimëkëmbje ekonomike”.

“Por, kjo nuk do të thotë që përfundon gjithçka, ligji të hënën kalon vetëm në lexim të parë. Më pas të gjithë deputetët e partive politike kanë mundësi të japin komente dhe sugjerime do të ketë edhe amandamente”, ka thënë Bajrami.

Shpërndaje në rrjete sociale

Lajmet më të lexuara

Të ngjashme

Foto lajm