Bajqinovci takohet me ministrin e Mbrojtjes së Suedisë, bisedojnë për bashkëpunim të ngushtë mes të dyja vendeve

12:24 | 3 Mars 2023
Vjollca Gajraku

Deputeti nga radhët e VV-së Mefail Bajqinovci gjatë vizitës së tij në Stokholm të Suedisë u takua me ministrin e Mbrojtjes së Mbretërisë së Suedisë, Pål Johnson.

Bajqinovci përmes një postimi në “Facebook”, tha se me Johnson bisedoi për sigurinë e vendit në sferën e mbrojtjes dha bashkëpunimit në mes të dyja vendeve.

“Me z. Johnson biseduam për invazionin rus në Ukrainë si dhe aspektet e veçanta të sigurisë së dy vendeve tona në sferën mbrojtjes. Ky ndryshim rapid i situatës së politikës dhe të sigurisë ndërkombëtare, vë në pah bashkëpunimin e ngushtë mes partnerëve, në fushën e mbrojtjes. Kështu, diskutuam për mundësitë e rritjes së ndërveprimit mes dy vendeve tona. U pajtuam edhe që t’i mirëmbajmë kontaktet dhe të punojmë së bashku në funksion të përfitimit të përbashkët duke e zgjeruar shkëmbimin dhe bashkëpunimin ushtarak mes vendit tonë dhe Mbretërisë së Suedisë”, deklaroi Bajqinovci./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm