Google ADS

Bajqinovci: Këshilli Grevist po shantazhon anëtarësinë që s’duhet dorëzuar para qeverisë

18:59 | 24 Shtator 2022
E.H

Deputeti i Lëvizjes Vetëvendosje, Mefail Bajqinovci, ka kritikuar Këshillin Grevist në krye me Rrahman Jasharajn duke thënë se po shantazhojnë anëtarësinë e tyre.

Ai ka shpërndarë në rrjetin social Facebook një video të Rrahman Jasharaj ku thotë se po e ndalën grevën qeveria do të na bëjë të zezat.

“Kanë me e zbulu çdo ditë nga një të zezë për ne”, thotë Jasharaj në video.

Bajqinovci konsideron se Këshilli Grevist thotë se duan dialog, por që qeverinë e paraqesin si armik ndaj të cilit nuk duhet të dorëzohen.

“Jemi partner social po thonë. Duam dialog po thonë. Por ja si e paraqet Këshilli Grevist qeverinë si armik ndaj të cilit nuk duhet dorëzuar. Ja se si shantazhohet anëtarësia e tyre duke u thënë se nëse dorëzohemi tani çdo ditë do të na zbulohet nga një zezë për ne. Cilat janë ato të zeza? Nuk mund të mbesin peng të një greve politike”, ka shkruar Bajqinovci./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm