Avokati Besnik Berisha, ka thënë se kryeministri i Kosovës, Albin Kurti, e ka kryer intervistën në Prokurorinë Speciale të Kosovës.

Berisha përmes një shkrimi në Facebook tha se Kurtin e ka parë vet me sytë e tij duke dalë nga Prokuroria, shkruan Arbresh.info.

“Çka nëse u them se kryeministri Kurti sapo e kreu intervistën në Prokurorinë Speciale të Republikës së Kosovës, a ma besoni a jo ?! Nejse, mos i ngjitni fjalë djalit se me sytë e mi e pash. Institucionalit se ç’ke me të!” – ka shkruar Berisha.

Lidhur me këtë Arbresh.info ka kontaktuar me Qeverinë e Kosovës dhe me Prokurorinë Speciale për të marrë ndonjë informacion zyrtar, por deri në momentin e publikimit të lajmit nuk ka pranuar përgjigje.

Ndyrshe, Kurti nuk është paraqitur sot në Prokurorinë Speciale në cilësinë e dëshmitarit, pasi që i njëjti ndodhet jashtë vendit.

Lidhur me mosparaqitjen e tij, zëdhënësi i qeverisë, Përparim Kryeziu për Arbresh.info ka thënë se Prokuroria Speciale ka qenë e njoftuar.

Megjithatë, Kryeziu tha se kryeministri ka shprehur gatishmërinë t’i mirëpres prokurorët e rastit në zyrën e tij në një ditë dhe orë të dakorduar./Arbresh.info/

LEXO EDHE:

Kurti pritet të intervistohet nga Prokuroria Speciale, interesim i madh i mediave

Kurti s’paraqitet në Prokurorinë Speciale, zëdhënësja e PSRK-së: Ndodhet në udhëtim jashtë vendit

Kryeministri Kurti shprehet i gatshëm t’i presë prokurorët në zyrë