Google ADS

Asociacioni, ushtria dhe taksa, tema të cilat Vuçiq do t’i diskutojë në Këshillin e Sigurimit të OKB-së

20:58 | 17 Dhjetor 2018
Arbresh.info

Presidenti i Serbisë, Aleskandar Vuçiq do të flasë sonte në seancën e Këshillit të Sigurimit të OKB-së për situatën në Kosovë pas formimit të Ushtrisë.

Burime të gazetës serbe ‘Blic’, thonë se Vuçiq në këtë mbledhje do të flasë për presionet ekonomike siç është taksa 100 për qind që Kosova ka vendosur ndaj Serbisë.

Po ashtu, do të diskutohet për krijimin e Ushtrisë së Kosovës, e cila sipas tij është e paligjshme dhe antikushtetuese, transmeton lajmi.net.

Ekipi i ri negociues kosovar do jetë temë tjetër diskutimi, madje fokusi është të kryesuesi i këtij ekipi, Fatmir Limaj.

“Do të përmendet edhe se Beogradi ka përmbushur të gjitha marrëveshjet e dialogut Beograd-Prishtinë, ndërsa kjo e fundit ka lënë mënjanë Asociacionin e komunave serbe”, thotë i njëjti burim i gazetës.

Tutje, gazeta thotë se Vuçiq do flasë edhe për arrestimin e drejtorit të Zyrës për Kosovë, Marko Gjuriq.

Mbledhja e Këshillit të Sigurimit të OKB-së pritet të nis në orën 21:00.

Shpërndaje në rrjete sociale

Lajmet më të lexuara

Të ngjashme

Foto lajm