Arrihet marrëveshja për ndërprerjen e grevës së këshillit protestues të “Trepça”

14:58 | 13 Korrik 2021
M. A.

Zëvendësministri i Ministrisë së Ekonomisë, Mentor Arifaj, ka takuar menaxhmentin dhe bordin e ndërmarrjes publike “Trepça” Sh.A, si dhe këshillin protestues të kësaj ndërmarrje.

Takimi është mbajtur në ambientet e ndërmarrjes “Trepça” Sh.A, dhe temë diskutimi ishte pakënaqësitë e protestuesve lidhur me procesin e fundit të punësimit në kombinatin “Trepça”, të cilët përmes protestave kërkojnë sistemimin e tyre në punë.

Pas diskutimeve të zhvilluara mes akterëve në takim, u arrit marrëveshja që të ndërpritet greva e këshillit protestues, dhe të fillojnë procedurat ligjore për kërkesën e tyre, me ç’ rast Qeveria e Kosovës do të trajtoj me seriozitet të plotë, duke u bërë zgjidhje në çështjen e punësimit të tyre deri në fund të këtij viti.

Aty ishte i pranishëm edhe kryetari i Mitrovicës, Agim Bahtiri. Ky i fundit ka falënderuar zëvendësministrin Arifaj për ofrimin e mbështetjes në gjetjen e zgjidhjes afatgjate të 154 protestuesve./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm