Google ADS

Arrestohet personi i kërkuar me urdhëresë gjyqësore në Gjilan

17:25 | 6 Tetor 2023
E.K

Policia në Gjilan ka arrestuar personin e kërkuar me urdhëresë të Gjykatës pasi ishte i dënuar për ngasje në gjendje të paaftë apo të dehur.

Në njoftim bëhet e ditur se K.K kërkohej për vuajtje të dënimit në kohëzgjatje prej një viti, përcjell Arbresh.info.

“Drejtoria rajonale e Policisë Gjilan, Stacioni Policor në Novobërdë me datën 06.10.2023 në kuadër të planit operativ për realizim të urdhëresave gjyqësore ka arrestuar personin K.K. (viti i lindjes 1952, mashkull kosovar serb). Ai ishte i kërkuar në bazë të urdhëresës së lëshuar nga Gjykata Themelore Gjilan me dënim burgimi prej një (1) viti për veprat penale ‘’Ngasja në gjendje të paaftë apo të dehur’’. Pas përfundimit të procedurave i njëjti është dërguar në vuajtje të dënimit”, thuhet në njoftim.

Drejtoria rajonale e Policisë në Gjilan bën të ditur se do të vazhdojë me realizimin e urdhëresave ndaj personave që ende nuk i janë përgjigjur thirrjes së gjykatave./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm