Policia e Kosovës ka arrestuar dje një person në Prizren, pasi u kap me mbi tre kilogramë marihuanë dhe dy pistoleta me disa fishekë.

Në një komunikatë për media, bëhet e ditur se gjatë kontrollit në shtëpinë e të dyshuarit, janë gjetur 3 kg e 45 gramë marihuanë, dy pistoleta, 14 fishekë, qese plastike, 2880 euro, 70 franga dhe 30 funbte angleze, përcjell arbresh.info.

Pas arrestimit të tij, me vendim të prokurorit i dyshuari është dërguar në mbajtje për 48 orë.

Komunikata e plotë:

Policia e Kosovës arreston një person të dyshuar për posedim të narkotikëve dhe armëve

Policia e Kosovës, respektivisht njësia policore nga Drejtoria për Hetimin e Trafikimit me Narkotik në Prizren me datë 01.03.2023 ka kryer një bastisje në shtëpinë e të dyshuarit mashkull kosovar ku gjatë kryerjes së bastisjes tek i njëjti janë gjetur armë dhe substanca narkotike.

Lidhur me rastin, gjatë kontrollit të realizuar janë gjetur dhe sekuestruar dëshmitë relevante si në vijim:

• Pesё (6) qese najloni me substancë tё dyshuar narkotike tё llojit Marihuanë me peshё tё pёrgjithshme prej 3 kg e 45 gram.
• Dy peshore digjitale
• Pistoletë me karikator me 3 fishek brenda.
• Pistoletë me njё karikator me 4 fishek
• Shtatё (7) fishekë kalibër i panjohur.
• Njёqind e pesёdhjetё e dy (152) qese plastike tё zbrazëta pёr paketim tё substancave narkotike.
• Dyzet (40) stega plastike,
• Dy (2) rolle me foli plastike,
• Njё(1) rolle foli alumini,
• Para në vlerë prej; 2880 euro, 70 franga zvicerane dhe 30 funta angleze.

Pas bastisjes së kryer personi i dyshuar ёshtё shoqёruar nё stacionin policor ku ёshtё intervistuar nё prezencë e avokatit dhe pas intervistimit i njëjti me vendim tё prokurorit kompetent ёshtё ndaluar pёr 48 orё.