Arrestohet një femër, pasi hyri ilegalisht në vend për të shmangur karantinën

12:28 | 4 Prill 2020
Arbresh.info

Policia e Kosovës ka njoftuar se ka arrestuar një femër në Prishtinë, pasi që e njëjta dyshohet se ka hyrë ilegalisht në vend duke iu shmangur karantinimit të detyruar.

Policia bën të ditur se femra e dyshuar gjendet në shtëpi dhe pritet të dërgohet në karantinë.

“Rr. Donikë Kastrioti, Prishtinë 03.04.2020 – 13:00. Është informuar se një e dyshuar femër kosovare dyshohet se ka hy në mënyrë ilegale në vend për t’iu shmangur kontrollit mjekësor në kufi (karantinimit të detyruar). E njëjta është në shtëpi dhe pritet të merret nga njësiti i QKUK-se për ta dërguar në karantinë. Rasti është duke u hetuar nga njësiti i hetimeve”, thuhet në njoftim.

Ndryshe, çdo qytetarë që kthehet në Kosovë është i detyruar të qëndroj në karantinë 14 ditë, e më pas atyre iu bëhen testet për të kuptuar nëse janë prekur nga COVID-19.

 

Shpërndaje në rrjete sociale

Lajmet më të lexuara

Të ngjashme

Foto lajm