Arrestohet i mituri në Fushë Kosovë – mori portofolin e një gruaje me 300 euro, dhe nga dy vetura vodhi mbi 200 euro

21:57 | 13 Dhjetor 2023
E.H

Një i mitur është arrestuar sot në Fushë Kosovë pasi dyshohet se ka kryer dy raste të vjedhjeve të rënda dhe një rast të shpërdorimit të pasurisë së huaj.

Në njoftim thuhet, se në rastet e vjedhjeve, që janë raportuar dje në polici, ku i dyshuari në dy lokacione të ndryshme nga dy vetura ka vjedhur shuma të parave mbi 200 euro, shkruan Arbresh.info.

Ndërsa rasti i shpërdorimit të pasurisë, ka ndodhë me gjashtë dhjetor, në parkun afër rrugës “Abedin Sogojeva” në Fushë Kosovë, ku ankueses i është marrë portofoli me dokumente dhe një shumë të parave mbi 300 euro.

“Personi i dyshuar, i mitur pas përfundimit të procedurave të nevojshme policore me vendim të prokurorit, është dërguar në qendrën e mbajtjes”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm